Фота Надзеі Бужан
У пятніцу, 10 ліпеня, раніцай і днём на большай частцы тэрыторыі краіны пройдуць кароткачасовыя дажджы, у асобных раёнах прагрымяць навальніцы, паведамілі БелТА ў Гідрамеце.
Менш дажджоў будзе па Гомельскай і Магілёўскай абласцях.
Ноччу будзе +7—12 градусаў цяпла, толькі па захадзе краіны ў шчыльных аблоках будзе цяплей — +13-15, днём — +19-24, па поўдні — +25—28.
У суботу будзе вельмі цёпла. Чакаюцца дажджы, у асобных раёнах моцныя дажджы. Месцамі прагрымяць навальніцы. Ноччу +13—+20. Днём +22-28, па Гомельшчыне нават да +30.
А ў нядзелю пахаладае.
У многіх раёнах рэспублікі пройдуць дажджы, месцамі прагрымяць навальніцы. Вецер будзе паўночна-заходні, паўднёва-заходні парывісты.
Ноччу +9—15, днём усяго +13-20. Па паўднёвым усходзе краіны будзе яшчэ цёпла: ноччу — +16—19, днём — +21-28.
У пачатку наступнага тыдня будзе халодна, шмат аблокаў і дажджоў. Вецер будзе паўночны.
Тэмпература паветра на вяршыні лета, 15 ліпеня (серада), ноччу складзе +8—15, днём — +14-20, у асобных раёнах да +23.
Такі тэмпературны фон будзе на 2-5 градусаў ніжэйшы за кліматычную норму.
