Нямецкія навукоўцы высветлілі, што колькасць антыцелаў, якія з'яўляюцца ў арганізме чалавека пасля каранавіруса змяншаецца з часам. Гэта можа паставіць пад сумнеў доўгатэрміновую эфектыўнасць вакцынавання, лічаць яны. Пра гэта паведамляе тэлеканал ZDF са спасылкай на галоўнага доктара інфекцыйнай клінікі Швабінг у Мюнхене Клеменса Вендтнера.

Ён распавёў, што аналізы крыві першых пацыентаў з каранавірусам, якія праходзілі лячэнне ў клініцы Швабінг у студзені, паказалі відавочнае зніжэнне колькасці антыцелаў. «У чатырох з дзевяці пацыентаў мы бачым зніжэнне колькасці антыцелаў па выніках тэсту, які можна праводзіць толькі ў лабараторыі з высокім узроўнем бяспекі», - сказаў Вендтнер. Ён дадаў, што вынікі гэтых даследаванняў кажуць пра тое, што чалавек у далейшым можа заразіцца паўторна, аднак прызнаў, што пакуль уплыў, які гэта можа аказаць на кампанію вакцынацыі, да канца не вывучаны.

Да такой жа высновы прыйшлі і навукоўцы з Каралеўскага каледжа Лондана, піша Guardian. Яны апублікавалі свае даследаванні, якія пацвярджаюць, што колькасць антыцелаў да каранавіруса памяншаецца на працягу некалькіх месяцаў пасля перанесенай хваробы. Даследчыкі назіралі больш за 90 пацыентаў і прыйшлі да высновы, што максімальная колькасць антыцелаў з'яўляецца ў арганізме праз тры тыдні пасля выяўлення сімптомаў. Пасля гэтага іх колькасць пачынае хутка падаць.

Навукоўцы сцвярджаюць, што пасля хваробы 60% людзей мелі моцны імунітэт да COVID-19, але ўжо праз тры месяцы толькі 17% захавалі такі ж узровень адпорнасці хваробе. Колькасць антыцелаў скарацілася ў 23 разы, а ў некаторых людзей іх не ўдалося выявіць зусім, піша rbc.ru.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру