«Прэсбол»
Суд Маскоўскага раёна Мінска вынес прысуды па справе аб дамоўных матчах у беларускім футболе. Экс-футбаліста «Нафтана» і «Оршы» Аляксея Казлова прысудзілі да двух гадоў пазбаўлення волі.
Казлоў падчас выступу за «Оршу» не толькі браў грошы за забеспячэнне патрэбнага выніку, але і арганізаваў ашуканскую схему. Ён абяцаў арганізатарам забяспечыць вынік за кошт прыцягнення іншых футбалістаў, але ўсе грошы забіраў сабе. Каманда ж прайгравала без усялякіх дамоўленасцяў, бо супернікі былі больш высокага класа.
Арганізатары дамоў, Віталь Ланько і Віктар Баравіцкі, прысуджаныя да трох і чатырох гадоў абмежавання волі ва ўстанове адкрытага тыпу.
17 футбалістаў атрымалі пакаранні ад штрафаў да абмежавання волі.
0
0
0
0
0
0
