Сёння адвакаты Наталля Мацкевіч і Дзмітрый Лаеўскі наведалі Віктара Бабарыку ў СІЗА. Як расказалі абаронцы Tut.by, Віктар Бабарыка ўжо ведае пра ўчарашняе рашэнне ЦВК, не згодны з ім, будзе абскарджваць усімі прадугледжанымі ў законе спосабамі.
Фота Надзеі Бужан.
— Віктар Дзмітрыевіч настойвае на тым, што інфармацыя ў яго дэкларацыі дакладная, а іншыя агучаныя акалічнасці не даказаныя. Ён сёння накіруе ў ЦВК заяву аб азнаямленні яго з дакументамі, што сталі падставай для прыняцця рашэння аб адмове ў рэгістрацыі, паколькі гэтыя звесткі яму не прад'яўляліся раней. І гатовы выкласці сваю пазіцыю суду, які будзе разглядаць скаргу на рашэнне ЦВК, — сказалі адвакаты.
Сам Віктар Бабарыка, па словах абаронцаў, трымаецца мужна, ён настроены змагацца — як ён падкрэсліў, незалежна ад таго, колькі часу гэта запатрабуе, перш за ўсё таму, што высока цэніць падтрымку, аказаную яму людзьмі.
Чытайце таксама:
Прыхільнікі Бабарыкі вымушаныя начамі стаяць пад СІЗА КДБ, каб да яго трапіў адвакат РЭПАРТАЖ
