Рэжысёр, сцэнарыст, драматург Андрэй Курэйчык прыдумаў арыгінальны спосаб, як можна абысці абмежаванне на колькасць назіральнікаў на выбарчых участках.

«Улады выкарыстоўваюць усе магчымыя спосабы, каб не даць выявіць сапраўдныя вынікі выбараў. Гэта тычыцца і членаў выбарчай камісіі, і абмежавання колькасці назіральнікаў. Апошняе прывядзе да смерці такога інстытута як незалежнае назіранне, бо застануцца толькі назіральнікі ад праўладных структур і СНД.

Калі атрымаецца дабіцца ад грамадства кансалідаванай пазіцыі, што прыходзіць на ўчасткі трэба выключна 9 жніўня, каб зменшыць уплыў датэрміновага галасавання, то менавіта ў дзень выбараў назіранне можна арганізаваць вельмі проста:

назіральнікі прыходзяць на ўчасткі па месцы сваёй прапіскі (яны ж грамадзяне Беларусі з правам голаса), прыходзяць раніцай, бяруць бюлетэнь, а галасуюць, калі ім зручна. Напрыклад, вечарам.

Цягам дня такім чынам яны могуць спакойна знаходзіцца на ўчастку, натуральна, не парушаючы грамадскі парадак.

Крымінальны кодэкс у нас забараняе любы прымус да галасавання. Чалавека не могуць прымусіць прагаласаваць менавіта зараз — гэта адразу крымінальнае злачынства, можна выклікаць міліцыю.

Выкінуць з участка выбарцу, які ўзяў бюлетэнь, нельга. Ён проста думае пра свой выбар. А чалавек можа думаць колькі заўгодна: пяць хвілін, дзесяць, гадзіну, восем гадзін.

Адначасова можна лічыць «белыя бранзалеты», глядзець, што з яўкай, што адбываецца на ўчастку. Гэта, дзякуй Богу, ніяк не рэгламентавана, няма нормаў, за колькі часу ты павінен прагаласаваць, а калі няма — то знаходзься хоць цэлы дзень, пакуль працуе ўчастак.

Асаблівае значэнне тут будзе мець ідэнтыфікацыя людзей, што прыйшлі галасаваць за перамены: хай гэта белы бранзалет будзе ці нешта іншае. Гэта таксама не забаронена», — сказаў Курэйчык.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

118
Каментатар / Адказаць
02.05.1988 / 03:50
Курейчик со своей идеей забыл народную мудрость:" На каждую хитрую гайку найдется болт с винтом"!
15
Каментатар / Адказаць
11.11.1988 / 01:50
генияльна, без жартау!
7
Каментатар / Адказаць
06.08.2011 / 23:17
Супер и очень классно. Это саботаж. Надо довести эти выборы до абсурда. Теперь ждем, что изберателей обяжут голосовать за 5 минут после получения бланка.
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру