Імёны шмат каго з затрыманых пад Мінскам баевікоў ёсць ва ўкраінскай базе «Міратворац». Амаль усе яны прымалі ўдзел у баявых дзеяннях на ўсходзе Украіны, а таксама датычныя да групы «Вагнер».
Тахір Бахцігараеў
40 гадоў, ураджэнец Пермскай вобласці. Найміт «Вагнера», працаваў механікам у разведвальнай роце. Пазыўны — «Фартовы».
Сяргей Шчарбакоў
39 гадоў, родам з Астрахані. Браў удзел у баявых дзеяннях на ўсходзе Украіны.
Алег Дрыга
34-гадовы ўраджэнец Данецка. Прымаў удзел у баявых дзеяннях на баку «ДНР».
Аляксандр Рудэнка
36 гадоў, родам з Клінцоў Бранскай вобласці. Служыў па кантракце ў расійскай арміі. З пачатку «рускай вясны» накіраваўся на Данбас. Сябра Саюза добраахвотнікаў Данбаса.
Дзяніс Харытонаў
40 гадоў. Ураджэнец Астраханскай вобласці. Браў удзел у вайне на Данбасе. Наводчык. Пазыўны — «Баян». Казацкі атаман.
Максім Кошман
Ураджэнец Данецкай вобласці, 39 гадоў. Пазыўны — «Коршун». Шараговец, кіроўца-тэлефаніст.
Генадзь Фяцісаў
36 гадоў, ураджэнец Данецка. Былы баец «Беркута». Камандзір узвода «Аплот» у «ДНР». Пазыўны — «Сава».
Аляксандр Шубін
24-гадовы ўраджэнец Луганска. Ваяваў за «ДНР». Пазыўны — «Злы». У шэрагах баевікоў з 2016 года.
Сяргей Маслаў
32 гады, жыве ў Падмаскоўі. Пазаштатны супрацоўнік «Вагнера». Кулямётчык, прымаў удзел у баявых дзеяннях на Данбасе.
Ігар Шаломенцаў
45 гадоў, ураджэнец Бураціі. Пазыўны — «Шэл». Старэйшы сяржант, снайпер.
Андрэй Такарэнка
46 гадоў, родам з Масквы. У вайне на Данбасе з 2014 года.
Фёдар Сяргееў
Ураджэнец Астраханскай вобласці, 33 гады. Ваяваў на Данбасе. Пазыўны — «Шыпучы».
Андрэй Бакуновіч
Бакуновіч трэці справа.
Родам з беларускіх Калінкавічаў, але жыў у Цюменскай вобласці Расіі. Вагнеравец, камандзір групы снайпераў.
Аляксандр Алтухоў
У базе «Міратворца» ёсць Аляксандр Віктаравіч Алтухоў, але не 1980, а 1958 года нараджэння. Ваяваў у падраздзяленні «Крыж». Магчыма, гэта не той чалавек.
