Вераніка Цапкала на выхадзе з ЦВК расказала, што яе выклікаюць у МУС па справе таго самага турэцкага грамадзяніна. «Мяне сёння спынілі і папрасілі праехаць у міліцыю (на вуліцу Розы Люксембург). Але я папрасіла заехаць пасля пасяджэння ў ЦВК».
Вераніка Цапкала дадала, што яе сястру, супрацоўніцу Белгазпрамбанка, невядомыя людзі пасадзілі ў машыну і звезлі ў невядомым кірунку.
«Я расцэньваю гэта як ціск на мяне, маю сям'ю», — сказала яна.
Пазней стала вядома, што допыт перанеслі на 9-ю раніцы пятніцы, а сястру адпусцілі.
