У Гродне затрымалі давераную асобу Святланы Ціханоўскай — Дзмітрыя Ціта. Пра гэта Tut.by паведаміла прадстаўнік ініцыятыўнай групы Ціханоўскай Юлія Карначава. Дзмітрый запісаў аўдыёпаведамленне, дзе кажа, што ён знаходзіцца ў аўтамабілі ДАІ.
— Зараз 13.25. Я еду ў аўтамабілі ДАІ ў РАУС, — кажа на аўдыёзапісы Дзмітрый.
Ён спрабуе даведацца ў супрацоўнікаў Дзяржаўтаінспекцыі, ці пачаўся ў дачыненні да яго адміністрацыйны працэс. Супрацоўнікі кажуць, што пачнецца.
Таксама Дзмітрый распавядае, што побач з яго машынай засталіся двое невядомых мужчын у масках.
Прычыны затрымання Дзмітрыя Ціта пакуль не вядомыя.
0
0
0
0
0
0
