МУС паведаміў, што ў Менску міліцыянты выявілі аднаго з каардынатараў вулічных акцый. Паводле паведамлення ведамства, 34-гадовы мінчанін займаўся пошукам і фінансаваннем іх новых удзельнікаў.

«Выйсці на яго ўдалося пасля затрымання 37-гадовага жыхара сталіцы, які распавёў аб сустрэчы з названым мужчынам і яго просьбах сабраць масоўку для ўдзелу ў акцыі пратэсту за грошы», — гаворыцца ў паведамленні МУС.

Ведамства піша: «Высветлілася, што за дзень да гэтага «кліент» вярбоўшчыка вызваліўся з месцаў пазбаўлення волі. Каардынатар падышоў да яго ў адной з цэнтральных харчовых крам горада і прапанаваў сабраць каля 10—12 чалавек для ўдзелу ў несанкцыянаваным масавым мерапрыемстве палітычнага характару. Пасля атрымання згоды незнаёмец даў пасярэдніку 60 рублёў, а таксама купіў яму спіртное і прадукты харчавання».

Сустрэчу ўдзельнікаў змовы, запланаваную на 19 жніўня, спынілі аператыўнікі. Цяпер у дачыненні да абодвух мужчын праводзіцца праверка.

Таксама ведамства апублікавала відэа, дзе адзін з затрыманых распавядае, як падчас пратэстаў іншы чалавек прапанаваў яму грошы.

«Замотка такая, каб набіраць людзей і плаціць, — кажа на камеру мужчына, твар якога схаваны, а імя не называецца. — Функцыя ў тым, каб збірацца на плошчы, выкрыкваць лозунгі <…> такіх, мне здаецца, там не адзін дзясятак, гэта дакладна».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
30.04.2005 / 19:31
*сарказм*
ваў! ну ўсё, не пойду больш на пратэсты, буду шукаць новую працу
0
Каментатар / Адказаць
30.09.2010 / 04:06
Што, ізноў "Вагнер" ? Ці мо гэтым разам новая казка і з новым акторам (акторамі) ?
3
Каментатар / Адказаць
28.06.2001 / 23:39
Мы милиции помогаем?!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру