Фота Вадзіма Заміроўскага, Tut.by
Беларуская асацыяцыя журналістаў патрабуе распачаць крымінальную справу за перашкоду законнай прафесійнай дзейнасці дзясяткаў журналістаў.
У часе ўчарашняй акцыі ў цэнтры Мінска каля 50 журналістаў былі адвезеныя ў Кастрычніцкі РУУС для «праверкі дакументаў». Большасць пратрымалі там 3,5 гадзін, некаторым не вярнулі тэхніку, на журналістаў «Белсату» Кацярыну Андрэеву і Максіма Гарчанка склалі пратаколы па артыкуле 23.34, ноч яны правялі на Акрэсціна.
