Святлана Ціханоўская выступіла перад Радай бяспекі ААН на нефармальнай канферэнцыі. Слуханні па сітуацыі ў Беларусі былі арганізаваныя па ініцыятыве Эстоніі. Ціханоўская папрасіла ААН накіраваць у Беларусь назіральную місію.
«Мы просім ААН асудзіць празмернае выкарыстанне сілы супраць пратэстоўцаў у Беларусі. Прапануем правесці надзвычайнае пасяджэнне Рады па правах чалавека ААН па Беларусі. Заклікаем ААН неадкладна адправіць у Беларусь міжнародную назіральную місію, каб задакументаваць сітуацыю на месцы», — сказала Ціханоўская.
Таксама яна заклікала ўвесці санкцыі супраць тых, хто здзяйсняў фальсіфікацыі на прэзідэнцкіх выбарах і «злачынствы супраць чалавечнасці» пры разгоне пратэстаў.
