Юрыст і член прэзідыума Каардынацыйнай рады Максім Знак — падазраваны па крымінальнай справе аб спробе захопу ўлады, заведзенай па арт. 361 (Публічныя заклікі да захопу дзяржаўнай улады, або гвалтоўнага змянення канстытуцыйнага ладу Рэспублікі Беларусь) Крымінальнага кодэкса, паведамляе Следчы камітэт.
Фота Надзеі Бужан.
У дачыненні да Марыі Калеснікавай і Максіма Знака абраная мера стрымання — змяшчэнне пад варту. З Іллём Салеем праводзяцца следчыя дзеянні.
Нагадаем, Максім Знак і лаўрэат Нобелеўскай прэміі Святлана Алексіевіч былі апошнімі з сямі членаў прэзідыума Каардынацыйнай рады, якія знаходзяцца на свабодзе ў Беларусі.
Павел Латушка, Bольга Кавалькова былі вымушаныя выехаць за мяжу. Лілія Уласава знаходзіцца ў СІЗА, Сяргей Дылеўскі адбывае 15 сутак арышту, адбыўшы таксама ўжо іншыя 10 сутак.
