Сёння чатыром затрыманым супрацоўнікам PandaDoc выставілі абвінавачванне ў махлярстве, здзейсненым арганізаванай групай альбо ў асабліва буйным памеры (ч. 4 арт. 209 КК). Ім пагражае пазбаўленне волі на тэрмін ад трох да дзесяці гадоў са штрафам, перадае TUT.BY.

У пачатку верасня чатыры супрацоўнікі PandaDoc — галоўны бухгалтар Юлія Шардыка, дырэктар Дзмітрый Рабцэвіч, менеджар па прадукце Віктар Куўшынаў і HR Уладзіслаў Міхалап — былі арыштаваныя на два месяцы па падазрэнні ў крадзяжы ў асабліва буйным памеры, у дачыненні да іх была заведзеная крымінальная справа па частцы 4 артыкула 210 КК Рэспублікі Беларусь. Супрацоўнікі падазраваліся ў тым, што яны як група асоб, выкарыстоўваючы сваё службовае становішча, завалодалі грашовымі сродкамі ў памеры каля 107 тысяч беларускіх рублёў з бюджэту, прычыніўшы тым самым шкоду дзяржаве. Іх справу перадалі ў цэнтральны апарат Следчага камітэта Беларусі.

Сёння, 11 верасня, усім чацвярым выставілі абвінавачванне, як паведаміў адвакат кампаніі PandaDoc Антон Гашынскі, у махлярстве, здзейсненым арганізаванай групай альбо ў асабліва буйным памеры (ч. 4 артыкула 209, хоць раней гаворка ішла пра ч. 4 арт. 210). Аднак, як адзначае адвакат, абвінавачванне не канкрэтызаванае, ролі і дзеянні фігурантаў у іх не распісаныя.

Абарона лічыць абвінавачванне неабгрунтаваным і ў панядзелак падасць скаргу на меру стрымання і на пастанову аб прыцягненні ў якасці абвінавачанага.

Самі супрацоўнікі кампаніі заявілі аб сваёй невінаватасці і катэгарычна адхілілі выстаўленае абвінавачванне.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
02.08.1994 / 01:48
Мне аднаму падаецца, што "справа" надуманая?
1
Каментатар / Адказаць
16.04.2002 / 20:15
До -10??! За что???!
1
Каментатар / Адказаць
01.12.1996 / 04:41
Тут позавидует сам Вышинский с его конвейером по клепанию липовых дел против "врагов народа". 37-й уже наступил, раззуйте глаза. Сколько людей уже сидит по надуманным обвинениям.
Каб пакінуць каментар, калі ласка, актывуйце JavaScript у наладах свайго браўзеру