Як паведамляе Bloomberg, прыватная тэхналагічная кампанія Sandvine Inc. прадэманстравала сваё абсталяванне ўрадавай службе бяспекі ў Беларусі ў маі. Згодна з дакументамі, абсталяванне Sandvine выкарыстоўваецца для кіравання і абароны сетак, а яго функцыя блакіроўкі вэб-сайтаў можа абмежаваць карыстальнікам доступ да кантэнту, які парушае закон: тэрарыстычнай прапаганды або дзіцячай парнаграфіі.

Падчас акцыі салідарнасці з Марыяй Калеснікавай у Мінску ціхар вырывае тэлефон у дэманстранткі, якая фіксавала на камеру тое, што адбываецца. Фота Надзеі Бужан

Аднак у Беларусі ў жніўні абсталяванне Sandvine «deep packet inspection» выкарыстоўвалі для цэнзуры сацыяльных сетак, навінавых сайтаў і платформаў абмену паведамленнямі, якімі карыстаюцца пратэстоўцы, што выступаюць супраць фальсіфікацыі выбараў.

Знаёмыя са справамі Sandvine крыніцы Bloomberg заяўляюць, што прадстаўнікі кампаніі сустракаліся непасрэдна з афіцыйнымі асобамі ў Беларусі, а затым адгружалі абсталяванне праз падрадчыка для ўстаноўкі ў дата-цэнтрах у Мінску.

Сенатар ЗША Дзік Дурбін заклікаў Мінфін правесці расследаванне ў дачыненні да кампаніі Sandvine у сувязі з магчымымі парушэннямі санкцый ЗША ў дачыненні да Беларусі. На працягу больш чым дзесяці гадоў гэтыя санкцыі ўводзілі абмежаванні на прадастаўленне амерыканскімі кампаніямі сродкаў, тавараў або паслуг, якія прыносяць карысць Лукашэнку ці іншым асобам, якія ўдзельнічаюць у «дзеяннях або палітыцы, што падрываюць дэмакратычныя працэсы або інстытуты».

Падчас тэлефоннай канферэнцыі Sandvine, накіраванай на вырашэнне праблем супрацоўнікаў адносна працы ў Беларусі, кіраўнікі заявілі, што яны супрацоўнічаюць з урадавай арганізацыяй у краіне ўжо больш за год. Sandvine дала Беларусі тэхналогію, якая фільтруе каля 40% усяго інтэрнэт-трафіку, заявілі кіраўнікі кампаніі. Яны лічаць, што гэта не парушае амерыканскіх санкцый. Запіс размовы быў перададзены агенцтву Bloomberg.

Аляксандр Хаванг, галоўны тэхнічны дырэктар Sandvine, прызнаў падчас размовы, што Беларусь можа выкарыстоўваць абсталяванне кампаніі для блакавання вэб-сайтаў і дадаткаў абмену паведамленнямі, але ён сказаў, што Sandvine прыйшоў да высновы, што інтэрнэт і доступ да канкрэтных матэрыялаў на вэб-сайтах не з'яўляюцца «часткай правоў чалавека».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру