Фота Надзеі Бужан
Каардынацыйная рада беларускай апазіцыі гатова ў найбліжэйшы час прадставіць праграму пераадолення крызісу ў краіне. Пра гэта сябра прэзідыума Каардынацыйнай рады Павел Латушка заявіў у панядзелак на пазачарговым пасяджэнні Камітэта па замежных справах Еўрапарламента, выступаючы па відэасувязі з Варшавы, піша ТАСС.
«Каардынацыйная рада прадставіць у найбліжэйшы час антыкрызісную праграму для нашай краіны, якая будзе ажыццяўляцца адначасова з рэформай дзяржаўнага кіравання і мясцовага самакіравання», — сказаў ён.
Паводле яго слоў, Беларусь знаходзіцца на краі эканамічнай прорвы. «Менавіта дзеючая ўлада гадамі вяла да гэтага краю. Беларусы гатовыя цярпець і пераадольваць складанасці, калі будзе надзея на перамены.
З гэтай уладай ні надзей, ні ілюзій», — заявіў ён.