Нобелеўскі камітэт унёс карэктывы ў тое, як пройдзе цырымонія ўручэння штогадовых прэмій, запланаваная на 10 снежня. У паведамленні арганізатараў адзначаецца, што з-за пандэміі каранавіруса прысуджэнне ўзнагарод у галіне фізікі, хіміі, літаратуры і медыцыны пройдзе ў дыстанцыйным рэжыме.
Для гэтага ў ратушы Стакгольма будзе арганізаваная тэлевізійная студыя, доступ да якой атрымае толькі абмежаваная колькасць асоб.
Аналагічным чынам пройдзе і ўручэнне Нобелеўскай прэміі міру, аднак у гэтым разе цырымонія пройдзе ў адной з аўдыторый універсітэта Осла, куды дапусцяць абмежаваную колькасць гледачоў.
У Нобелеўскім камітэце таксама пацвердзілі адмену традыцыйнай бяседы ў ратушы сталіцы Швецыі.
0
0
0
0
0
0
