Ангела Меркель пацвердзіла, што ў найбліжэйшы час сустрэнецца са Святланай Ціханоўскай.
«У найбліжэйшы час я сустрэнуся з апазіцыянеркай Ціханоўскай», — заявіла кіраўнік урада ФРГ у сераду, выступаючы ў Бундэстагу падчас дэбатаў па федэральным бюджэце на 2021 год. Меркель адзначыла, што захапляецца мужнасцю жанчын, якія выходзяць на вуліцы беларускіх гарадоў.
Раней агенцтва Reuters са спасылкай на памочніцу і прэс-сакратара экс-кандыдата Ганну Красуліну паведаміла, што Ціханоўская наведае Берлін 5-6 кастрычніка.
Таксама канцлер Германіі заявіла, што не прызнае вынікі прэзідэнцкіх выбараў у Беларусі.
0
0
0
0
0
0
