Беларускае МЗС запатрабавала ў пасольстваў Польшчы і Літвы ў нашай краіне скараціць колькасць дыпламатаў. Пра гэта заявіў прэс-сакратар МЗС Беларусі Анатоль Глаз, паведамляе Tut.by.
Фота: Вадзім Заміроўскі, Tut.by
— Праз адназначную дэструктыўную дзейнасць з боку названых краін ім прапанавана да 9 кастрычніка прывесці да парытэту з беларускімі замежнымі ўстановамі ў адпаведных краінах склад сваіх дыпламатычных прадстаўніцтваў у Беларусі.
Як растлумачыў Анатоль Глаз, у літоўскай амбасадзе замест 25 павінна застацца 14 дыпламатаў, у польскай — замест 50 застанецца 18.
Прадстаўнік МЗС таксама паведаміў, што паслы Беларусі ў Польшчы і Літве з 5 кастрычніка адклікаюцца ў Мінск для кансультацый.
0
0
0
0
0
0
