Узброеныя сілы Азербайджана нанеслі ўдар па тэрыторыі Арменіі, знішчыўшы гатовы да пуску ракетны комплекс. Пра гэта гаворыцца ў паведамленні, апублікаваным на сайце Мінабароны Азербайджана.
«14 кастрычніка ў 08:36 было зафіксаванае размяшчэнне армянскімі ўзброенымі сіламі чарговага аператыўна-тактычнага ракетнага комплексу з балістычнымі ракетамі ў памежных раёнах Арменіі паблізу акупаванага Кельбаджарскага раёна Азербайджана. Аператыўна-тактычныя ракеты былі нацэленыя на Гянджу, Мінгячавір і іншыя гарады Азербайджана з мэтай нанясення страт сярод мірнага насельніцтва і разбурэння грамадзянскай інфраструктуры», — гаворыцца ў паведамленні ведамства.
«У мэтах бяспекі цывільнага насельніцтва як легітымная ваенная мэта ракетны комплекс, які знаходзіцца на стартавай пазіцыі, быў выведзены са строю дакладным папераджальным ударам», — адзначылі ў Мінабароны.
У Мінабароны Арменіі заявілі, што ўдар быў нанесены «усяго толькі на падставе здагадак аб тым, што гэтая тэхніка была гатовая ударыць па мірным населеных пунктах Азербайджана».
