Аляксандр Лукашэнка заявіў, што аддаў распараджэнне не пускаць у краіну не толькі людзей з чужым пашпартам, але і тых «разумных» беларусаў, якія выехалі за межы нашай краіны ў гэты няпросты час, паведамляе прэс-служба.
— Я аддаў распараджэнне камандуючаму памежнымі войскамі не ўпускаць у краіну не толькі людзей з чужым пашпартам, але і тых разумных беларусаў, якія выехалі за межы нашай краіны ў гэты няпросты час. Заразу нам вазіць не трэба, і няважна, з якім пашпартам. Паехалі туды вучыцца — няхай вучацца, працаваць — хай працуюць. Мы ж не перашкаджалі гэтаму. Таму хай там працуюць і вылечваюцца, — сказаў Лукашэнка.
— А то атрымліваецца так, як мне адзін таварыш у Гродне расказваў. Кажа, паехаў туды, а каб зубок (даслоўна кажу) падлячыць, прыехаў у Гродна. Там, кажа, у 10-15 разоў даражэй, — адзначыў ён.
