МУС паведамляе, што «следчымі органамі заведзена [крымінальная справа] у сувязі з пашкоджаннем службовага аўтатранспарту з дапамогай размяшчэння на аўтадарогах металічных шыпоў паблізу вёсак Астрашыцкі Гарадок і Белыя Лужы».
У Астрашыцкім Гарадку знаходзіцца адна з рэзідэнцый Аляксандра Лукашэнкі, у якой ён, як мяркуецца, праводзіць найбольш часу. Менавіта ў Астрашыцка-Гарадоцкай школе да мінулага года вучыўся Мікалай Лукашэнка.
Вёска Белыя Лужы ўваходзіць у склад Астрашыцка-Гарадоцкага сельсавета.
