«Белсат»
Затрыманага ўчора журналіста Ігара Ільяша вінавацяць ва ўдзеле ў несанкцыянаванай акцыі (арт. 23.34 КаАП). Калегі журналіста называюць абвінавачанне дзіўным, бо Ігар не ўдзельнічаў і нават не асвятляў акцыі пратэсту, паведамляе БАЖ.
Працэс над журналістам павінен прайсці ў судзе Цэнтральнага раёна Мінска.
Ігар Ільяш — муж змешчанай у СІЗА журналісткі Кацярыны Андрэевай. Яго затрымалі ўчора ўвечары, у кватэры прайшоў ператрус.
