БелТА
Кіеў назваў «чарговымі інсінуацыямі» словы Аляксандра Лукашэнкі аб перавозцы ў краіну зброі з тэрыторыі Украіны. Пра гэта ў Twitter напісаў прэс-сакратар МЗС Украіны Алег Нікаленка, піша РБК.
«Рыторыка аб знешнім умяшанні, у прыватнасці, мантра аб «зброі з Украіны «выразна ўпісваецца ў палітыку Лукашэнкі па запалохванні беларускага народа», - лічыць дыпламат.
Ён дадаў, што Украіна — не вораг Беларусі і асуджае любыя праявы тэрарызму.
Лукашэнка напярэдадні заявіў, што ўдзельнікі нядаўна затрыманай у Беларусі тэрарыстычнай групы пад кіраўніцтвам Мікалая Аўтуховіча ўвозілі ў краіну «тоны зброі» праз Украіну. Паводле яго сцвярджэння, яны рыхтавалі тэракты па ўсёй краіне і ўжо пачалі іх ажыццяўляць.
0
0
0
0
0
0
