У пасёлку Сухарукія пад Мінскам згарэў прыватны дом. Ратавальнікі знайшлі целы трох чалавек, паведамляе СК.
Паведамленне аб пажары ў драўлянай хаце ў пасёлку Сухарукія паступіла каля 7 раніцы 21 сакавіка. Пры ліквідацыі пажару знойдзены целы трох чалавек. Паводле папярэдняй інфармацыі, загінулымі з'яўляюцца мужчыны ва ўзросце 34, 45 і 66 гадоў. Яны афіцыйна не працавалі, двое арандавалі жыллё ў трэцяга.
Паводле папярэдняй інфармацыі, прычынай пажару стала неасцярожнае абыходжанне з агнём. Для высвятлення дакладнай прычыны ўзгарання, асоб загінулых і прычыны іх смерці прызначаныя экспертызы.
0
0
0
0
0
0
