Фота Depositphotos.com
Гэта першы працэсар Nvidia для дата-цэнтраў.
Кампанія заявіла, што чып Grace будзе працаваць у 10 разоў хутчэй, чым тыя, якія існуюць на сённяшні дзень, паведамляе The Wall Street Journal.
Nvidia вядомая сваімі хуткімі працэсарамі, якія выкарыстоўваюцца ў абсталяванні для відэагульняў. Цяпер кампанія збіраецца далучыцца да рынку чыпаў для цэнтраў апрацоўкі дадзеных, дзе доўгі час дамінуе карпарацыя Intel з доляй больш за 90%.
Кампанія адзначае, што новы чып будзе апрацоўваць вылічэнні, дзе патрабуецца хуткі аналіз вялізных набораў звестак — працэс, які патрабуе высокай прадукцыйнасці і масіўнай памяці. Такі працэсар можна будзе выкарыстоўваць для апрацоўкі мовы і развіцця штучнага інтэлекту.
Новы чып плануецца выпусціць да 2023 года.
