Фота CNN
EQS — гэта першы цалкам электрычны седан класа люкс ад кампаніі Mercedes, які ўвосень з’явіцца ў продажы. Электрамабіль мае рэкордную аэрадынаміку, а яго зарадкі хопіць на 700 км, паведамляе CNN.
Новы электрамабіль дэманструе перадавыя тэхналогіі кампаніі. Напрыклад, дзверы працуюць аўтаматычна, як і ў некаторых мадэлях Tesla. Калі кіроўца набліжаецца да электрамабіля, яго дзверы самі адчыняюцца.
Новы электрамабіль мае рэжым Power Nap, які дазваляе кіроўцам адпачыць у дарозе падчас прыпынкаў. Рэжым аўтаматычна адкідвае крэсла кіроўцы назад, рэгулюе ўнутранае асвятленне, стварае навес над шкляным дахам і зачыняе вокны. На экранах панэлі з’яўляюцца выявы зорнага неба, а стэрэасістэма ўключае спакойную музыку для сну. Праз некаторы час электрамабіль пачынае працэдуру прабуджэння, якая ўключае ў сябе масаж і прыемны водар. Затым крэсла аўтаматычна падымаецца, а навес знікае.
