Delfi.lv
Здарэнне адбылося а 5-й раніцы. Гарэў калідор і жылыя памяшканні, а таксама дах шасціпавярховага будынка.
У будынку былі ўсталяваныя жалезныя дзверы з кодавым замком, і гэта ўскладніла працу пажарных.
На месцы пажару былі знойдзены целы васьмі чалавек. Яшчэ дзевяць чалавек пацярпелі, усяго эвакуявана 20 чалавек. Мэр Рыгі Марціньш Стакіс паведаміў, што пажар узнік у памяшканнях хостэла, дзе большасць пастаяльцаў — замежнікі.
У бальніцу ў стане сярэдняй цяжкасці дастаўлены шэсць чалавек. Частка з іх шпіталізавана з апёкамі, іншыя — з атручваннем прадуктамі гарэння.
У будынку знаходзіцца хостэл Japanese Style Centrum і офісы шэрагу прадпрыемстваў. Паводле Delfi.lv, некаторы час таму ў памяшканнях хостэла, магчыма, праводзіліся незаконныя работы па перапланіроўцы: былі аб'яднаны дзве кватэры.
Delfi.lv