Пра гэта заявіў афіцыйны прадстаўнік Федэральнага Офіса па міжнародных справах (МЗС) Швейцарыі П'ер-Алан Эльтшынгер, піша РБК.

«Улады Швейцарыі не ведалі пра пагрозу бомбы на борце рэйса Ryanair з Афін у Вільню. Такім чынам, паведамленняў ад швейцарскіх уладаў уладам Беларусі пра гэта не было», — заявіў ён.

Раней, выступаючы перад членамі парламента і прадстаўнікамі органаў улады, Аляксандр Лукашэнка заявіў, што паведамленне аб мініраванні самалёта авіякампаніі Ryanair паступіла са Швейцарыі.

У панядзелак Дэпартамент авіяцыі распавёў, што ліст пра бомбу прыйшоў «з электроннай пошты protonmail.com». ProtonMail-сэрвіс абароненай электроннай пошты. Серверы і штаб-кватэра кампаніі знаходзяцца ў Швейцарыі.

Dev.by выказаў меркаванне, што швейцарскі «след» у гісторыі з паведамленнем аб мініраванні ўзнік з-за месца «прапіскі» паштовага сэрвісу.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру