Апошнім разам лідар КНДР прысутнічаў 7 мая на канцэрце ў Пхеньяне, паведаміў у панядзелак на брыфінгу ў Сеуле прадстаўнік паўднёвакарэйскага Міністэрства аб'яднання, якое курыруе стасункі з Поўначчу.
Раней паўднёвакарэйскія эксперты казалі, што Кім Чэн Ын сёлета радзей наведвае публічныя мерапрыемствы ў сувязі з асцярогамі адносна каранавіруснай інфекцыі.
У маі мінулага года незвычайна доўгая адсутнасць Кім Чэн Ына спарадзіла чуткі пра яго сур'ёзную хваробу або смерць. Аднак затым ён упершыню за 20 дзён з'явіўся на публіцы, наведаўшы цырымонію адкрыцця Сунчхонскага завода ўгнаенняў.
Кім Чэн Ын прыйшоў да ўлады ў снежні 2011 года пасля смерці яго бацькі Кім Чэн Іра.
0
0
0
0
0
0
