newsru.co.ll
Мінздароўя Ізраіля абвясціла, што з 12:00 пятніцы, 25 чэрвеня, зноў уводзіцца абавязковы масачны рэжым ва ўсіх закрытых памяшканнях (у тым ліку ў грамадскім транспарце), за выключэннем месца пастаяннага пражывання, паведамляе newsru.co.il.
Выключэнні: для дзяцей, малодшых за 7 гадоў, інвалідаў, якія не могуць насіць маскі; тых, хто знаходзіцца ў закрытым або адасобленым памяшканні, не кантактуючы з іншым; у выпадку, калі два супрацоўнікі пастаянна працуюць у адным памяшканні; пры занятках спортам.
Міністэрства аховы здароўя Ізраіля рэкамендуе насіць ахоўныя маскі нават на адкрытых пляцоўках, дзе збіраецца вялікая колькасць людзей.
Акрамя таго, Мінздароўя рэкамендуе людзям з груп рызыкі і тым, хто не вакцынаваны, пазбягаць удзелу ў якіх-небудзь грамадскіх сходах.
***
Улады Ізраіля адмянілі масачны рэжым 15 чэрвеня. Аднак затым у краіне зноў пачаўся рост колькасці каранавіруса. Прычынай 70% новых выпадкаў захворвання COVID-19 у краіне за апошнія тыдні лічыцца індыйскі штам.
У СААЗ мяркуюць, што гэты штам ў два разы больш заразны, чым першапачатковы, уханьскі варыянт.
Таксама Ізраіль адклаў адкрыццё межаў для вакцынаваных турыстаў. Улады плануюць дазволіць ім ўезд у краіну ў прыватным парадку з 1 жніўня, а не з 1 ліпеня, як чакалася.