Europa press sports
Пра тое, што аргенцінскі футбаліст падпісаў двухгадовы кантракт з магчымасцю падаўжэння яшчэ на год да чэрвеня 2024 года, напісала французская спартыўная газета L'equipe.
Інфармацыю пацвярджаюць і спартыўныя каментатары.
«Усё пацверджана. Ліянэль Месі будзе гульцом ПСЖ. Усё вырашылася літаральна ў апошнія хвіліны», — сказаў Бі-бі-сі Гільем Балаге, аўтарытэтны спартыўны калумніст, які спецыялізуецца на іспанскім футболе.
Кантракт Месі з «Барселонай» скончыўся 1 ліпеня. У пачатку жніўня клуб паведаміў, што пагадненне падоўжанае не будзе. Прычынай сталі «эканамічныя і структурныя перашкоды па правілах іспанскай Ла Лігі».
34-гадовы Месі заваяваў з «Барсай» 36 трафеяў і забіў 672 галы.