«Паліцыя ўжыла неабходныя меры і разагнала натоўп, затрыманыя 26 чалавек, якіх даставілі ў галоўны камісарыят паліцыі», — расказаў у сераду кіраўнік ГКП Віленскай акругі Саўлюс Гагас, піша Delfi.
Іх затрымалі па падазрэнні ва ўдзеле ў беспарадках. Паводле паліцыі, гэтыя людзі падазраюцца ў парушэнні грамадскага парадку і нанясенні траўмаў паліцыі.
«Я павінен сказаць, што пацярпелі каля 10 паліцэйскіх, супрацоўнікаў Службы грамадскай бяспекі», — дадаў ён.
Кіраўнік Службы грамадскай бяспекі Рычардас Поцюс расказаў Delfi, што трое вартавых парадку шпіталізаваныя: адзін атрымаў кантузію ў выніку выбуху, у другога пераламаныя ногі выбуховым пакетам, у трэцяга пераломы ног, атрыманыя ў выніку нанясення траўмаў камянямі.
У аўторак на акцыю пратэсту каля парламента Літвы сабралася каля 5000 чалавек. Яны выказалі сваю незадаволенасць у сувязі з палітыкай урада і магчымымі абмежаваннямі для людзей без «пашпарта магчымасцяў».
Канчаткова разагналі ўдзельнікаў акцыі толькі каля другой гадзіны ночы. Быў ужыты слёзацечны газ.
Сёння пратэстоўцы маюць намер сабрацца ля будынка ўрада.
