У Беларусі ў жніўні выпала 180% кліматычнай нормы ападкаў, паведамляе Белгідрамет.

За месяц у сярэднім па Беларусі выпала 120,7 мм ападкаў, што склала 180% кліматычнай нормы. Больш за ўсё іх было на тэрыторыі Брэсцкай вобласці — у сярэднім 153,3 мм (247% нормы). У першай і трэцяй дэкадах сума ападкаў склала 207% і 237% нормы адпаведна. У другой дэкадзе выпала 96% нормы.

Сярэдняя па Беларусі тэмпература паветра за апошні летні месяц 2021 года склала плюс 17,5, што вышэй за кліматычную норму на 0,2 градуса.

Тэмпературны максімум за месяц адзначаны на станцыі Брагін 17 жніўня і склаў плюс 34,3 градуса. Мінімальнае значэнне тэмпературы (плюс 1) адзначана на станцыі Езярышча 25 жніўня.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?