Як паведамляе МЗС, бакі абмяркоўвалі пытанні рэфармавання арганізацыі, уклад Беларусі ў справу павышэння і значэння ААН у свеце, а таксама праблемы ў адносінах нашай краіны і Аб'яднаных Нацый.
Уладзімір Макей праінфармаваў Антоніу Гутэрыша аб развіцці ўнутрыпалітычнай сітуацыі ў Беларусі і працэсах, звязаных з абмеркаваннем канстытуцыйных пераўтварэнняў у краіне.
Міністр таксама паведаміў генеральнаму сакратару пра абвінавачванні на адрас афіцыйнага Мінска ў правакаванні рызык, у тым ліку ў галіне міграцыі. Ён назваў іх ілжывымі. Таксама Макей расказаў пра становішча на мяжы і ўзаемадзеянне з прадстаўніком Упраўлення Вярхоўнага камісара ААН па справах бежанцаў.