Рашэнне аб падаўжэнні рэжыму на дадатковыя 60 дзён прыняў урад Рэспублікі. Паводле польскіх законаў, яго павінен зацвердзіць прэзідэнт, а затым Сейм. Рашэнне можа быць прынята сёння.
Надзвычайнае становішча было ўведзена Польшчай 3 верасня ў прымежнай зоне шырынёй 3 км. Гэта рашэнне закранула 115 населеных пунктаў у Падляскім ваяводстве і 68 — у Люблінскім.
У прыватнасці, яно азначае забарону на правядзенне масавых і забаўляльных мерапрыемстваў, дзяжурства паліцыі ва ўзмоцненым рэжыме, праверкі дакументаў. На названай тэрыторыі не могуць знаходзіцца асобы, якія там не жывуць, не працуюць ці не вучацца.
