Мінабароны: Два расійскія стратэгічныя бамбардзіроўшчыкі адпрацоўваюць баявыя задачы на Ружанскім палігоне
Два звышгукавыя стратэгічныя бамбардзіроўшчыкі-ракетаносцы Ту-160 адпрацоўваюць вучэбна-баявыя задачы, у тым ліку імітацыю бамбакідання без выкарыстання сродкаў паражэння, на Ружанскім авіяпалігоне (Брэсцкая вобласць), паведамляе Мінабароны ў сваім тэлеграм-канале.
Адначасова знішчальная авіяцыя ваенна-паветраных сіл Беларусі «вырашыла задачу па іх умоўным перахопе і ў цяперашні час забяспечвае суправаджэнне па маршруце палёту».
«Палёты стратэгічнай авіяцыі паветрана-касмічных сіл Расійскай Федэрацыі ў паветранай прасторы Рэспублікі Беларусь будуць праводзіцца на рэгулярнай аснове», — падкрэслілі ў беларускім ваенным ведамстве.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
