Кадр з фільма «Чырвонае паведамленне»

Фразу «чырвонае паведамленне» выкарыстоўвае інтэрпал, калі абвяшчае ў міжнародны вышук асабліва небяспечных злачынцаў. У фільме ўсё гэта ёсць — міжнародны вышук, асабліва разумны і спрытны злачынца, нават два, а яшчэ зніклыя каштоўнасці, якім дзьве тысячы год.

Калісьці старажытнарымскі генерал Марк Антоній закахаўся ў Клеапатру і падарыў ёй на знак вернасці тры яйкі з золата, аздобленыя каштоўнымі камянямі. Яйкі пазней зніклі, але праз шмат стагоддзяў два з іх усё ж адкапаў звычайны фермер, а вось трэцяе так і не знайшлося.

Пераказаць сюжэт фільма амаль немагчыма — гэта суцэльная пагоня адразу за трыма яйкамі. Пры гэтым агент ФБР (яго грае Дуэйн Джонсан) вымушаны аб’яднаць высілкі з адным з самых вядомых злачынцаў з тых, хто спецыялізуецца на аб’ектах мастацтва (яго грае Раян Рэйналдс). Іх вораг — таксама вядомая злачынца, якая выкрадае аб’екты мастацтва (Галь Гадот). У нейкі момант героі Джонсана і Рэйналдса аказваюцца разам у расійскай турме. Зрэшты, за дзьве гадзіны фільма героі перасоўваюцца па ўсёй планеце і паспяваюць наведаць Італію, Балі, Расію, Амерыку, Егіпет, Гішпанію…

Трэйлер фільма «Чырвонае паведамленне»

Рэжысёр фільма Роўсан Маршал Тэрбер вядомы сваім нязменным пачуццём гумару, з якім глядач ужо мог пазнаёміцца ў неверагодна смешным фільме «Мы — Мілеры». У камедыйным баевіку «Чырвонае паведамленне» камедыі больш, чым баевіка. Да таго ж, ногі ў гераіні Галь Гадот настолькі прыгожыя, што крытык BBC называе сцэны боек між трыма галоўнымі героямі баявымі оргіямі.

Кадр з фільма «Чырвонае паведамленне»

Кожны з акцёраў у гэтым фільме — у сваёй стыхіі і ў сваім любімым вобразе. Экшн развіваецца з хуткасцю святла. Гэта ўсё разам, відаць, і тлумачыць галавакружны поспех фільма сярод гледачоў.

Кадр з фільма «Чырвонае паведамленне»

Фільм тыдня: «Дом Gucci». Новая амбітная стужка Рыдлі Скота з гангстарамі, мафіёзі і забойствамі

Па краіне адмянілі паказы фільма з удзелам акцёраў Купалаўскага тэатра «Авантуры Пранціша Вырвіча»

Чаму ў галівудскім кіно ўсё менш сэксу?

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру