Мяркуецца, што на гэтым месцы ў Вільні была друкарня Скарыны. У 1990-м там адкрытая мемарыяльная дошка

З гэтай нагоды ўлады Літвы абвясцілі наступны 2022 год Годам Францыска Скарыны, паведамляе Пасольства Літвы ў Мінску.

Скарына — гуманіст, пачынальнік кнігадрукарства ў ВКЛ, літоўскі першадрукар, выдавец, пісьменнік і доктар медыцыны. Ён нарадзіўся ў багатай купецкай сям’і ў Полацку, які ў тыя часы быў найважнейшым гандлёвым цэнтрам ВКЛ.

Паміж 1519 і 1521 гадамі Скарына пасяліўся ў Вільні, прывёз туды друкарскае абсталяванне і запас паперы.

22 мая 1522 года ў доме віленскага бурмістра Якуба Бабіча Скарына заснаваў першую друкарню ва Усходняй Еўропе. Мяркуецца, што дом стаяў на скрыжаванні вуліц Вялікай (Дыджоі) і Шкляной (Сціклу). Тут ён выдаў першую кнігу ВКЛ, якая называлася «Малой падарожнай кніжкай». Дакладная яе назва невядомая, таму даследчыкі далі выданню назву паводле тэкста эпілога: «у гэтай малой падарожнай кніжцы…».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру