«Елбасы знаходзіцца ў сталіцы Казахстана горадзе Нур-Султане. Просім не распаўсюджваць загадзя ілжывую і спекуляцыйную інфармацыю. Елбасы праводзіць шэраг кансультатыўных сустрэч і знаходзіцца на прамой сувязі з прэзідэнтам Казахстана Касым-Жамартам Такаевым», - цытуе заяву прэс-сакратара Informburo.kz.
Паводле яго слоў, Назарбаеў заклікае ўсіх згуртавацца вакол прэзідэнта Казахстана Такаева «для пераадолення бягучых выклікаў і забеспячэння цэласнасці нашай краіны».
