Груз быў затрыманы супрацоўнікамі Пскоўскай мытні ва Усвяцкім раёне пры спробе ўвесці яго машынай на тэрыторыю Расіі міма фітасанітарных пастоў.
Згодна маркіровачным этыкеткам, краіна паходжання садавіны — Украіна, сцвярджаюць у Рассельгаснаглядзе. Але перад гэтым яны былі нібыта легальна імпартаваныя ў Беларусь. Фітасанітарных сертыфікатаў і іншых суправаджальных дакументаў пра паходжанне і бяспечнасць прадукцыі ў кіроўцы не было.
Па гэтым факце распачата справа аб адміністрацыйным правапарушэнні. А яблыкі пайшлі пад экскаватар.
