Кубак афрыканскіх нацый праходзіў у Камеруне.
У фінале сустрэліся зборныя Егіпта і Сенегала.
Гэты фінал яшчэ называлі фінал Мо Салаха і Сад'ё Манэ — аднаклубнікаў, найлепшых гульцоў Афрыкі і, адпаведна, гэтых зборных.
Асноўны і дадатковы час скончыліся нічыёй 0:0 (прычым Манэ не забіў пенальці на 7-й хвіліне), а ў серыі пасляматчавых пенальці мацнейшымі былі сенегальцы. І Манэ паставіў пераможную кропку (4:2). Салах нават не паспеў падысці да 11-метровай кропкі.
Сенегал — чэмпіён. Зборная заваявала Кубак афрыканскіх нацый ўпершыню ў сваёй гісторыі, раней каманда двойчы гуляла ў фінале, і абодва разы няўдала.
Салах і Манэ выступаюць за «Ліверпуль».
0
0
0
0
0
0