У Лунінцы жанчына расчляніла сужыхара і спрабавала яго спаліць у выграбной яме
Сёння днём каля аднаго з прыватных дамоў у Лунінцы прахожы пабачыў фрагмент чалавечага цела. Выкліканая ім міліцыя правяла пільны агляд мясцовасці і выявіла таксама іншыя парэшткі. Паводле папярэдняй інфармацыі, падчас распівання спіртных напояў 48-гадовая беспрацоўная ўдарыла 50-гадовага сужыхара, і той памёр ад атрыманых траўмаў, паведамляе прэс-служба МУС.
Каб схаваць сляды злачынства, жанчына расчляніла труп, а пасля спрабавала яго спаліць у выграбной яме.
Зараз на месцы, паводле паведамлення МУС, працуе следча-аператыўная група і праводзяцца далейшыя аператыўна-вышуковыя і следчыя мерапрыемствы, каб аднавіць усе абставіны злачынства.