На тэрыторыі Беларусі створана 5510 участкаў для галасавання. У Брэсцкай вобласці — 883, Віцебскай — 714, Гомельскай — 977, Гродзенскай — 608, Мінскай — 929, Магілёўскай — 707, у Мінску — 692. 217 участкаў — у санаторыях, прафілакторыях, дамах адпачынку, бальніцах ды інш., 12 — у вайсковых частках.
Участкі для галасавання падчас датэрміновага галасавання будуць адкрытыя з 10.00 да 14.00 і з 16.00 да 19.00. А 27 лютага з 08:00 да 20:00.
На рэферэндум вынесенае адно пытанне: ці прымаеце вы змяненні і дапаўненні Канстытуцыі Рэспублікі Беларусь? Людзям прапануецца адказаць, адпаведна, «за» ці «супраць».
На датэрміновым галасаванні падчас прэзідэнцкіх выбараў 2020 года, паводле афіцыйных лічбаў, прагаласавалі 42% выбаршчыкаў, прычым у Гомельскай вобласці — 53 працэнты, а ў Мінску — 33,4.
І гэта пры тым, што ў асноўны дзень галасавання, 9 жніўня 2020 года, на многіх участках былі велізарныя чэргі, а там-сям нават не хапіла бюлетэняў.
На прэзідэнцкіх выбарах 2015 года «датэрмінова прагаласавалі» 36 працэнтаў.
Гэта лічбы, у якія мала хто верыць, хоць, безумоўна, ёсць людзі, хто датэрмінова галасуе свядома, або вымушаны гэта рабіць пад ціскам.
Назіральнікі лічаць датэрміновае галасаванне сродкам фальсіфікацый і магчымасцю некантраляванага ўкіду бюлетэняў.
Чытайце таксама:
Навошта адваротны бок бюлетэняў на рэферэндуме зрабілі каляровым? Нечаканае тлумачэнне ад члена камісіі
«Намякалі: каб абяліць рэпутацыю, нядрэнна было б схадзіць на датэрміновае галасаванне». Студэнтаў масава выклікаюць «на размову»
Пайшоў рэгістравацца назіральнікам на рэферэндуме і… знік
