Філіп Краўтэр — журналіст Associated Press і афіцыйны член асацыяцыі карэспандэнтаў Белага дома. Ён нарадзіўся ў Люксембургу ў сям'і брытанкі і немца, таму роднымі для яго з дзяцінства сталі адразу тры мовы (нямецкая, англійская і люксембургская). Пазней Краўтэр вывучыў таксама французскую, іспанскую ды партугальскую, і цяпер свабодна валодае шасцю мовамі. Такія навыкі дапамагаюць яму працаваць адразу ў некалькіх СМІ, асвятляючы падзеі для жыхароў розных краін.
Учора Краўтэр падзяліўся ў твітары нарэзкай сваіх эфіраў з Кіева, дзе ён выкарыстаў увесь моўны патэнцыял. За суткі пост разышоўся ў сацсетках, а карыстальнікі пахвалілі рэпарцёра за прафесіяналізм.
