Гутэрыш заявіў, што свет сутыкнуўся з найбуйнейшым глабальным крызісам міру і бяспекі.
Рашэнне РФ прызнаць незалежнасць асобных раёнаў Данецкай і Луганскай абласцей з'яўляецца парушэннем тэрытарыяльнай цэласнасці і суверэнітэту Украіны і проста супярэчыць статуту ААН і яе Дэкларацыі аб дружалюбных адносінах.
Кіраўнік ААН адзначыў, што не згодны з заявай Пуціна аб тым, што на Данбасе адбываецца генацыд.
— Генацыд — гэта злачынства, якое дакладна вызначанае, і прымяненне [ужыванне гэтага выразу] павінна ажыццяўляцца ў адпаведнасці з міжнародным правам. Я думаю, што гэта не той выпадак, — сказаў Гутэрыш.
Ён таксама выказаў занепакоенасць у сувязі са «скажэннем паняцця міратворчай дзейнасці».
— Калі войскі адной краіны ўваходзяць на тэрыторыю іншай краіны без яе згоды, яны не з'яўляюцца міратворцамі, — заявіў Гутэрыш.
Генеральны сакратар падкрэсліў, што ААН цалкам падтрымлівае суверэнітэт, палітычную незалежнасць і тэрытарыяльную цэласнасць Украіны ў межах яе міжнародна прызнаных межаў.
— Заклікаю ўсіх устрымацца ад дзеянняў і заяваў, якія давялі б гэтую небяспечную сітуацыю да мяжы, — заявіў кіраўнік арганізацыі.
