Парламент Арменіі
«Мы, вядома ж, хочам, каб існуючыя праблемы паміж дзвюма дружалюбнымі дзяржавамі вырашаліся шляхам дыпламатычнага дыялогу, перамоваў, у адпаведнасці з нормамі і прынцыпамі міжнароднага права і Статута ААН», — падкрэсліў ён.
Адначасова Унанян выказаў надзею на здзяйсненне «ўсіх неабходных крокаў для зніжэння напружанасці і для мірнага ўрэгулявання сітуацыі».
Раней прызнаваць «ЛНР» і «ДНР» адмовіўся Казахстан.
Беларусь пакуль таксама не прызнала самаабвешчаныя рэспублікі, але учора МЗС Беларусі апублікавала заяву на гэты конт.
«Мы з павагай і разуменнем успрымаем рашэнне расійскага боку аб прызнанні незалежнасці Данецкай і Луганскай народных рэспублік», — адзначаецца ў заяве МЗС.
Паводле МЗС, гэты крок Расіі мае «не толькі палітычнае, але і сур'ёзнае чалавечае, гуманітарнае вымярэнне, улічваючы колькасць расійскіх грамадзян, якія жывуць на гэтых тэрыторыях і церпяць нягоды цягам амаль васьмі гадоў».
«Заклікаем ўсе бакі ўстрымацца ад ваеннай эскалацыі і любых іншых дзеянняў», — заклікала беларускае замежнапалітычнае ведамства.