Фота: FRANCE HANDBALL 2017.
Пачкоўскі распавёў, што 1 сакавіка ён прыехаў з Беларусі ў Польшчу. Гульцу было цяжка заставацца ў нашай краіне праз палітычную сітуацыю. Беларусь, як кажа Пачкоўскі, актыўна ўцягнутая ў вайну з Украінай, і гэта дадаткова нагнятала атмасферу, піша kielcehandball.pl.
У выніку праз некалькі дзён пасля пачатку вайны Пачкоўскі вырашыў скасаваць свой кантракт з «БГК Мяшкоў» і з’ехаць з Беларусі.
Гулец падкрэслівае, што калі ён прымаў такое рашэнне, для яго сярод іншага меў значэнне маральны аспект працягу кар’еры ў Беларусі.
У нашай краіне Пашкоўскага вельмі ўразіла палітыка беларускіх дзяржаўных медыя. Ён назваў назіранне за імі «балючым для мозга», а інфармацыю ў такіх медыя — нелагічнай і абсалютна аддзеленай ад рэальнасці.
Гулец згадаў аднаго з калег па камандзе, чыя бабуля нават не ведае, што Расія напала на Украіну, бо пра вайну проста не кажуць у дзяржаўных медыя.
