«Захоўваюцца прыкметы гатоўнасці кіраўніцтва Беларусі да магчымага шырокамаштабнага ўдзелу УС РБ у баявых дзеяннях супраць Украіны на баку РФ. Падраздзяленні пераведзеныя ў найвышэйшыя ступені баявой гатоўнасці, але маральна-псіхалагічны стан асабістага складу вельмі нізкі. Большасць вайскоўцаў інфармаваная аб дзеяннях і не жадае ваяваць на баку ВС РФ.

Праціўнік спрабуе блакаваць Чарнігаў.

Акупанты працягваюць аднаўляць пантонную пераправу і ў найбліжэйшы час пастараюцца ажыццявіць пераправу праз раку Дзясна.

У раёне Глухава праціўнік спрабаваў арганізаваць наступ з раней створанай мяжы. Спроба правалілася, наступ спынены.

У сувязі з непапраўнымі стратамі ў раёне Харкава шэраг падраздзяленняў акупантаў пакінуў зону баявых дзеянняў і вернуты ў раён Нехацееўкі Белгародскай вобласці Расіі для ажыццяўлення мер аднаўлення баяздольнасці.

Таксама не адмаўляюцца ад задумы вядзення наступальных дзеянняў у напрамках на Днепр і Запарожжа з мэтай выхаду на адміністрацыйныя межы Данецкай вобласці. Здзейсненая няўдалая спроба наступу ў раёне населенага пункта Траецкае. Вораг спрабуе аднавіць наступ і захапіць Марыупаль».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру