— Мэр Энергадара, што на паўднёвым усходзе Украіны, паведаміў, што калона аўтобусаў змагла выехаць па гуманітарным калідоры ў Запарожжа.
— У Ізюме на Харкаўшчыне эвакуацыю па ключавым калідоры на Лазавую давялося спыніць з-за расійскіх бамбардзіровак.
— Марыупаль застаецца аточаны. Міністр замежных спраў Украіны Дзмітрый Кулеба абвінаваціў Расію ў тым, што яна трымае ў закладніках 400 тысяч жыхароў горада.
— У Сумах працягваецца эвакуацыя. Мэр горада паведаміў, што людзі могуць ехаць на аўтобусах і на асабістых аўто.
— На Кіеўшчыне жыхары эвакуююцца з населеных пунктаў каля ўкраінскай сталіцы, якія пацярпелі ад моцных расійскіх абстрэлаў: Бучы, Ірпеня, Гастомеля і іншых. Яны выязджаюць у Кіеў, адкуль ужо кіруюцца паўднёвым шляхам на захад краіны.