Нафталі Бэнэт. Фота: Reuters.com
Партал не прыводзіць зместу расійскай прапановы, аднак публічна Крэмль патрабаваў «дэмілітарызацыі», нейтралітэту Украіны, а таксама прызнання анексіі Крыма і так званых ДНР і ЛНР.
Высокапастаўлены ўкраінскі чыноўнік заявіў, што Бэнэт ініцыяваў званок у аўторак і рэкамендаваў Зяленскаму прыняць прапанову.
«Бэнэт, па сутнасці, кажа нам здацца, і мы не маем намеру гэта рабіць», — сказаў высокапастаўлены ўкраінскі чыноўнік.
Аднак службовец у офісе прэм'ер-міністра Ізраіля заявіў, што падрабязнасці званка, апісаныя украінскім чыноўнікам, не адпавядаюць рэчаіснасці.
«Мы сумняваемся, што чыноўнік з'яўляецца высокапастаўленай асобай, якая цяпер знаходзіцца ва Украіне і якая прысутнічала пры званку, бо гэта была прыватная лінія. Нашы кантакты адбываюцца непасрэдна з прэзідэнтам Зяленскім і яго блізкімі дарадцамі», — сказаў чыноўнік у офісе прэм'ер-міністра.
Ізраільскі чыноўнік сказаў, што Бэнэт не рэкамендаваў Зяленскаму прыняць прапанову Пуціна, бо Ізраіль такой прапановы не атрымліваў. «Прэм'ер-міністр не мае намеру даваць Зяленскаму ніякіх рэкамендацый або парады на любым этапе», — сказаў чыноўнік.
Ізраільскі чыноўнік адзначыў, што размова Зяленскага і Бэнэта была добрай і доўгай і уключала абмеркаванне магчымасці правядзення пасрэдніцкай сустрэчы ў Ерусаліме.
